कोहलपुर भदौ ८ । प्रेस सेन्टर नेपाल, कोहलपुर नगर समितिले दोस्रो वार्षिक उत्सवका अवसरमा कोहलपुरकि क्रियाशील पत्रकार कल्पना शाहीलाई पुरस्कृत गरेको छ ।

शनिबार सहिद स्मृती भवन कोहलपुरमा विशेष कार्यक्रमको आयोजना गर्दैै सेन्टरले वार्षिक उत्सवका अवसरमा शााहीलाई ‘स्व. दिप बहादुर स्मृति क्रियाशिल पत्रकारिता पुरस्कार-२०८१’ बाट पुरस्कृत गरेको हो ।

प्रेस सेन्टर नेपाल, कोहलपुर समितिका सचिव शुभाखर विश्वकर्माका दिवंगत बुवा दिप बहादुर विश्वकर्माको स्मृतिमा पाँच हजार नगद र कदरपत्र सहित शाही पुरस्कृत हुनु भएको हो

कार्यक्रका प्रमुख अतिथि तथा नेकपा माओवादी केन्द्रका केन्द्रिय सदस्य नरेन्द्र न्यौपानेले शाहीलाई नगद पाँच हजार सहित कदरपत्र प्रदान गर्नु भएको थियो। उक्त अवसरमा बोल्दै न्यौपानेले समाज रुपान्तरणमा पत्रकारहरुको भूमिका उल्लेखनिय रहेको भन्दै प्रशंसा गर्नु भएको थियो । न्यौपानेले अन्यायमा परेका मानिसले न्याय पाउनका लागि पत्रकार जगत संग भरोसा गरि गुहार माग्ने गरेको उल्लेख गर्नु भयो ।

उहाँले पछिल्लो समय पत्रकारहरुबाट बढि अपेक्षा गर्ने तर उनिहरुको श्रमको मुल्याङकन नगर्ने प्रवृत्ति बढ्दै गएको उल्लेख गर्दै राज्यको चौंथो अंगका रुपमा रहेको पत्रकारीता क्षेत्रका बारेमा गम्भीर भएर सोच्नुपर्ने अवस्था आएको बताउनु भयो ।

राज्यका सबै संयन्त्रलाई खबरदारी गर्ने पत्रकारहरु स्वयं आफु नै विभिन्न समस्याबाट गुज्रिनुपर्ने अवस्था सृजना हुन दुखद भएको भन्दै संचार क्षेत्रलाई बलियो बनाउन सबैले भुमिका खेल्नुपर्नेमा जोड दिनु भयो । न्यौपानेले मोफसलका स-साना मिडियालाई केन्द्रित गरी एउटै ठुलो मिडिया हाउस बनाउने तर्फ सोच्न समेत सबैलाई आग्रह गर्नु भयो ।

कार्यक्रममा प्रेस सेन्टर नेपालका केन्द्रिय सदस्य शिव सुनार, लुम्बिनी प्रदेश उपाध्यक्ष प्रदिप वाग्ले, जिल्ला अध्यक्ष राजेश आचार्य, प्रेस चौतारी नेपालका केन्द्रीय सदस्य हेमन्त बि।क।, नेपाल पत्रकार महासंघ बाँकेका कार्यवहाक अध्यक्ष संगिन शर्मा, नेपाल पत्रकार महासंघ लुम्बिनी प्रदेश सदस्य सरला सुवेदी, प्रेस सेन्टर नेपाल बाँकेका सचिव केपी घिमिरे, प्रेस चौतारी कोहलपुर नगर कमिटी अध्यक्ष प्रमोद रिजाल लगायतले शुभकामना मन्तव्य राख्नु भएको थियो ।

कोहलपुर नगर कमिटी अध्यक्ष पुष्पराज हमालको अध्यक्षतामा भएको कार्यक्रममा स्वागत मन्तव्य प्रेस सेन्टर नेपाल बाँके जिल्ला कोषाध्यक्ष अनिता विश्वकर्माले राख्नु भएको थियो। भने प्रेस सेन्टर कोहलपुर नगर कमिटी उपाध्यक्ष विवेक रेग्मीले कार्यक्रम सञ्चालन गर्नु भएको थियो ।